Prof. Dr. Xəzər Hüseynov
Bioqrafiya
Prof. Dr. Xəzər Allahverdi oğlu Hüseynov 10 avqust 1973-cü ildə Naxçıvan MR-nın Babək rayonunun Yuxarı Uzunoba kəndində anadan olmuşdur. 1990-1995-ci illərdə Naxçıvan Dövlət Universitetinin Tarix-filologiya fakültəsini fərqlənmə diplomu ilə bitirmiş, tarix əlavə hüquq ixtisası almışdır. 1995-1997-ci illərdə Azərbaycan Respublikası Silahlı Qüvvələrində hərbi xidmət keçmişdir.
1997-ci ildən NDU-da əmək fəaliyyətinə başlamış, 1997-2001-ci illərdə "Azərbaycan tarixi" kabinəsinin müdiri, 2001-ci ildən müəllim, 2007-ci ildən baş müəllim vəzifəsini icra etmişdir. 2006-cı ildə «Naxçıvan Muxtar Respublikasında sənayenin inkişafı (1950-2004-cü illər)» mövzusunda namizədlik dissertasiyası müdafiə etmiş, 2008-ci ildə fəlsəfə doktoru elmi dərəcəsi, 2012-ci ildə dosent elmi adı almışdır.
2011-2021-ci illərdə NDU-nun "Azərbaycan tarixi" kafedrasında dosent, həmçinin müəyyən müddət Naxçıvan Müəllimlər İnstitutunda dosent vəzifəsini icra etmişdir. 25 noyabr 2017-ci ildə «Naxçıvan Muxtar Respublikasında kənd təsərrüfatının inkişafı tarixi (1924-2012-ci illər)» mövzusunda doktorluq dissertasiyasını müdafiə etmişdir. 18 may 2018-ci ildə tarix elmləri doktoru elmi dərəcəsi AAK tərəfindən təsdiq olunmuşdur.